Wo chandni ka badan khushbuon ka saaya hai - Bashir Badra
Wo chandni ka badan khushbuon ka saaya hai
Bahut aziz hamein hai magar paraya hai
Utar bhi aao kabhi aasman key zeene se
Tumhen khuda ne hamare liye banaya hai
Kahan se aai ye khushboo ye ghar ki khusboo hai
Is ajnabi ke andhere mein kaun aaya hai
Mahak rahi hai zamin chandni ke phoolon se
Khuda kisi ki mohabbat pe muskuraya hai
Use kisi ki mohabbat ka eitbar nahin
Use zamane ne shayad bahut sataya hai
Tamaam umar mera dam uske dhuen se ghuta
Wo ek chiragh tha maine use bujhaya hai