08-12-2010, 02:32 PM | #11 |
VIP Member
|
Re: !!मेरी प्रिय कविताएँ !!
Yeh koi famous writter ki likhi huyi rachna nahi hai ...... per kafi prabhavit karne wali rachna hia isliye main yahaan aapse shar kar raha hun Yeh Bhagwat Geeta ke UpdeshoN per nirdharit rachna hai........
Kabhi Rulaayein, Kabhi Hasaayein Prabhu Ki Leela Prabhu Hi Jaane, Kabhi Bhayanak Yudh Ladein Kabhi Bhakton Ke Dukh Dur Karein Gita Gyan Dilaaya Aur Mahabharat Hua Samaapt Laute Tab Balram Ke Sang Dwarika Dwarikanaath Pehle Pehle Kya Karte Hai Prabhu Dwarika Aake, Jagad-Pita Khud Maat-Pita Ki Ashish Lene Jaate Bade Pyar Se Woh Vasudev Ke Charnon Sis Jhukaaye Aur Vasudev Shri Vaasudev Ko Liye Gale Se Lagaaye Maat Devaki Krishna Ko Dekhe Hriday Liye Lagaai Makhan Mishri Mahaprabhu Ko Haath Se Apne Khilaai Ajab Nirala Dhrishya Ye Bhakton, Dekho Jagad Ke Data Geeta Gyan Dilaake Phir, Maiya Ka Dil Behlaata Bada Hua Hai Beta Aapka Boli Rukmini Rani Haskar Chede Prabhu Ko Par Maa Ki Mamta Pehchaani Bachpan Bhar Nahi Dekha Maa Ne Toh Ab Prem Lutaaye Nirmal Prem Maiya Ka Paakar Prabhu Ko Anand Aaye Bade Bhai Balram Hai Kehte Baat Meri Sun Maai Saara Pyaar Kanhaiya Ko Deti Mere Liye Kya Bachaai Haath Mein Haath Liye Beton Ka Nainan Neer Bhare Pyar Mein Tab Vasudev Pita Balram Se Kehne Lage Hum Dono Chahe Jitna Bhi Mamta Prem Lutaayen Woh Vastu Toh Aisi Hai Kabhi Kam Na Hone Paayen Devaki Boli Sach Hai Beta Baat Jo Kehte Baba Waise Bhi Hirday Mein Hamare Prem Pada Hai Zyaada Tum Dono Ke Aane Se Pehle Bichhad Gaye Tere Bhai Unke Bhagya Ki Mamta Bhi Tum Dono Par Barsaai Devaki Aur Vasudev Ki Ankhiyan Ashru Se Bhar Aaye Guzara Kal Itna Dukhdaai Ab Tak Yaad Rulaaye Kanha Ke Avtaar Samay Woh Base The Karagaar Ankhiyan Aage Aankh Ke Taare Kans Ne Daale Maar Bal Samay Shri Krishna Kanhaai Bhi Rehte The Dur Putra Viyog Ke Dukh Mein Bichaare Maat Pita Majboor Bhakton Ke Aasoon Kabhi Sahe Nahi Sakte Hai Bhagwan Karuna Mein Rachte Hai Kaisi Leela Karuna Nidhaan Ab Mat Rona Maiya Baba, Pal Mein Vaapas Aata Hoon Jaise Guru Ke Khaatir Kinha, Baalak Aapke Laata Hoon Tat Kshan Hi Paatal Chale Balram Aur Krishna Kanhaai Raja Bali Se Bhet Huyi Aur Saari Katha Sunaai Vaastav Mein Yeh Chhe Hai Devta Muni Ke Shraap Ke Maare Unko Mukti Dilaani Thi Maa Devaki Ke Sahaare Janam Samay Jo Doodh Piya Toh Hua Woh Mahaprashad Us Hi Ke Dwaara Milegi Mukti Mere Bhaiyon Ko Aaj Bali Raaj Phir Un Sabko Hai Baalak Roop Mein Laate Maat Pita Se Aathon Bhai Saath Mein Milne Jaate Madhur Milan Ye Bhaya Bada, Sabki Aankhon Mein Paani, Dheere Se Phir Bhagavan Se Yeh Pooche Rukmini Rani Yeh Toh Hai Tere Pyaare Prabhu Phir Dinhe Dukhde Kaahe Sabse Pyaare Bhakt Mere Hai Tabhi Toh Dukh Seh Paaye Maine Har Dukh Mein Saath Diya Aur Di Sehne Ki Shakti Inko Dekh Ke Seekhega Jag Kya Hoti Hai Bhakti Sachhe Bhakt Mere Hai Aise Devaki Aur Vasudev Ke Jaise Dukh Sehkar Vishwaas Na Haare Tabhi Toh Pragate Unke Dwaare Devaki Aur Vasudev Sam, Bhakti Ke Adarsh Bhagvat Mahapuran Mein Hi Dete Hai Darsh Sukh Mein Dukh Mein Karte Rahe, Tera Hi Gungaan Humko Bhi Prabhu Dedo Aisi Bhakti Ka Vardaan Maat Pita Phir Gad Gad Hokar Prabhu Ke Charan Gire Rokar Unka Dhanyavaad Woh Dono Karne Lage Jagadpita Khud Beta Bankar Paas Hamare Aaye Yehi Nahi, Jeevan Ke Sab Dukh Sukh Mein Badal Kar Laaye Aisi Bhent Wohi De Sakta Jo Hai Jeevan Data Tum Ho Laal Hamare Kanha Yaan Ho Hamre Maat Pita Prem Kare Jinse Govinda Gopala Madhusudhan Unke Bhaagya Mein Hi Hoti Aisi Meethi Uljhan Kanha Ne Tab Unhe Uthaaya Kiya Bada Sanmaan Charan Nahin, Hirday Mein Mere Aap Dono Ka Sthaan Chaahe Mujhe Tum Beta Kaho Chaahe Kehdo Bhagwaan Main Tera Aur Tum Ho Mere Param Satya Yehi Jaan Shri Krishna Ki Aisi Hai Leela Bhakton Ka Jeevan Banaate Rangeela Kaatke Moh Maya Ke Bandhan Khud Se Unko Jodte Mohan Unke Naam Se Naam Milaakar Kehlaate Hai Devakinandan Jai Ho Teri Devakinandan Jai Ho Teri Devakinandan --------------------------------------------------------------------------------
__________________
Disclaimer......! "फोरम पर मेरे द्वारा दी गयी सभी प्रविष्टियों में मेरे निजी विचार नहीं हैं.....! ये सब कॉपी पेस्ट का कमाल है..." click me
|
Bookmarks |
Tags |
favorite poems, hindi, hindi forum, hindi forums, hindi poems, literature, my favorite poems, nice poem, poems, poetry |
|
|