Kya nestle par pratibandh lagana uchit hai.

[manishsqrt]

haal hi me hamare gao me kuch ajeeb ghatna hui, ek parivaar ke bujurg dahi gud ka sharbat pine se chirnidra me chale gae, aur uske kuch hi dino baad unke daswe me hissa lene aae unke rishtedaar ek ke baad ek wahi dahi gud ka sharbat pike aspatal me bharti ho gae aur ahle din hi mrityu ko prapt ho gae, ye ek satya ghtna hai haal hi ke dainik jagran ke varanasi sankaran me ghazipur dullah pur ki ghatna padhe.
pahle to logo ko laga ki bujurgwar ki maut shayad prakritik hai, we ek eent bhatte me majduri karte the, dopahar me majduri karke laute to dahi gud ka sharbat mangaya, piye aur chal base logo ko laga ki bujurg the, dhoop me luh lag gai hogi par uske baad ek ek karke rishtedaro ki maut ne raaj khola, agle din tin aur logo tabiyat bigadi aur abhi we aspatal me bharti hai.
Mera prashn ye hai ki jab kisi bhi khane pine ke utpad ke saath aisa ho sakta hai, usme jahar aa sakta hai ya mausam ki wajah se jahar ban sakta hai to kuch brands ko hi nishana kyu banaya jata hai, maggi ko shak aur jaanch ke aadhar par ban kiya gaya, usse to kisi ke marne ki khabar bhi nahi aai, is tarah to dahi bhi ban kar dena chahiye aur gud bhi.
Kya is pratibandh ke piche ko rajniti bhi hai, maggi ke jate hi bazar me khabare udane lagi ki baba ramdev ji ka maggi launch hone ja raha hai, aise me shanka badh jati hai.Kripya aap bhi apni rai rakhe.